المقادير:
2كوب دقيق
2كوب سميد
4-5 معالق كبيرة زيت
معلقه كبيره خميرة فورية
كوب ماء دافئ
زيت للقلى
الشربات
2 كوب سكر
1 كوب ماء
عصير ليمونة بعد الغليان +رشة فانيلا
الطريقة:
اول حاجة نضيف السميد على الدقيق ونقلبهم كويس
وبعد كده نضيف الخميرة و نخلطهم مع بعض
و بعد كده نضيف كمية الزيت و نقلبهم بحيث انهم يختلطوا و يبقى الزيت متجانس مع الدقيق و يبقى الخليط مفرول
وبعدين نبدأ نضيف الماء عليهم ونعجن العجينة كويس اوى لحد ما تلم معانا
ولازم العجينة تبقى الى حد ما ناشفة معانا ولو حسينا انها طرية اوى نزودها شوية دقيق
بس ان شاء الله المقادير كده مظبوطة ومش هتحتاج اى اضافات
وبعد كده نغطيها ونسيبها ترتاح حوالى 5 دقايق
و بعد ما ترتاح نقطعها قطع صغيرة ونصبعها زى ماهى فى الصورة كده و نراعى ان الخميرة حتخليها تنفش فى الزيت
وبعدين نجيب المبشرة و نستخدم الجزء الضيق منها ونجيب العجينة و نضغط عليها و احنا بنلفها عكس اتجاه بروز الفتحات
وبعدين ننزل بيها فى الزيت السخن و مش بتاخد وقت خالص
و نقلبها علشان تاخد لون واحد من جميع الجهات
واول ما يبقى لونها ذهبى نطلعها من الزيت ونحطها على طول فى الشربات البارد اللى هنكون محضرينه من قبل كده
ولازم تكون صوابع زينب سخنة والشربات بارد عشان تشرب الشربات كويس.
ليست هناك تعليقات:
إرسال تعليق